ಅವೊಗಾಡ್ರೋ ಸಂಖ್ಯೆ ಇಗೆ ಮೂಲವನ್ನು ವಿಕ್ಷಿಸಿ

'''ಅವೊಗಾಡ್ರೋ ಸಂಖ್ಯೆ''' ಯಾವುದೇ ಪದಾರ್ಥದ ಒಂದು [[ಮೋಲ್|ಮೋಲ್‌ನಲ್ಲಿರುವ]] ಕಣಗಳ ([[ಅಣು]], [[ಪರಮಾಣು]] ಮುಂತಾದ) ಸಂಖ್ಯೆ. ಅವೊಗಾಡ್ರೋ ಸಂಖ್ಯೆಗೆ ಅಳತೆ ಇಲ್ಲ, ಅದೊಂದು ಸಂಖ್ಯೆ ಮಾತ್ರ. ಇದರ ಮಹತ್ವ ಐತಿಹಾಸಿಕ. '''ಅವೊಗಾಡ್ರೋ ನಿಯಂತಾಕ''' 1971ರಿಂದ [[ಅಂತರರಾಷ್ಟ್ರೀಯ ಏಕಮಾನ ವ್ಯವಸ್ಥೆ|ಅಂತರರಾಷ್ಟ್ರೀಯ ಏಕಮಾನ ವ್ಯವಸ್ಥೆಯ]] ಭಾಗವಾಗಿದೆ. ಇದು mol<sup>-1</sup> (ಪರ್ ಮೋಲ್)ನಲ್ಲಿ ಹೇಳಲ್ಪಡುತ್ತದೆ ಮತ್ತು ಇದರ ಚಿಹ್ನೆ ''N<sub>A</sub>'' ಅಥವಾ ''L''. ಇಂದಿನ ಇದರ ಬೆಲೆ 6.022&nbsp;140&nbsp;857(74)×10<sup>23</sup> mol<sup>−1</sup>. ಅವೊಗಾಡ್ರೋ ಸಂಖ್ಯೆಯು ಮ್ಯಾಕ್ರೋ ಗಾತ್ರ ಮತ್ತು ಮೈಕ್ರೊ ಗಾತ್ರ (ಅಣು, ಪರಮಾಣು ಹಂತದ) ಗಳ ನಡುವೆ ಸಂಬಂಧದ ಕೊಂಡಿ ಬೆಸೆಯುತ್ತದೆ.
==ಇತಿಹಾಸ==
ಅವೊಗಾಡ್ರೋ ಸಂಖ್ಯೆಯ ಇತಿಹಾಸ ಅವೊಗಾಡ್ರೋ ನಿಯಮದ ಇತಿಹಾಸದೊಂದಿಗೆ ಬೆಸೆದು ಕೊಂಡಿದೆ. [[ಅಮೆಡಿಯೋ ಅವೊಗಾಡ್ರೋ]] ಒಂದೇ ತಾಪಮಾನ ಮತ್ತು ಒತ್ತಡದಲ್ಲಿ ಅನಿಲದ ಘನಗಾತ್ರದಲ್ಲಿನ (ವಾಲ್ಯೂಮ್) ಕಣಗಳ ಸಂಖ್ಯೆ ನೇರ ಅನುಪಾತದಲ್ಲಿರುತ್ತದೆ ಎಂದು ಹೇಳಿದ. ಇದು [[ಅವೊಗಾಡ್ರೋ ನಿಯಮ]] ಎಂದು ಪ್ರಸಿದ್ಧಿ ಪಡಿದಿದೆ. ಮುಂದೆ 1909ರಲ್ಲಿ ಜೀನ್ ಪೆರ್ರಿನ್ ಈ ಸಂಖ್ಯೆಯನ್ನು ಅವೊಗಾಡ್ರೋ ನೆನಪಿನಲ್ಲಿ ಅವೊಗಾಡ್ರೋ ಸಂಖ್ಯೆ ಎಂದು ಕರೆಯಲು ಸೂಚಿಸಿದ.<ref>Perrin, Jean (1909). "Mouvement brownien et réalité moléculaire". Annales de Chimie et de Physique. 8e Série. 18: 1–114. Extract in English, translation by Frederick Soddy, From Wikipedia English [[w:Avogadro constant|Avogadro Constant]]</ref> ಜೀನ್ ಪೆರ್ರಿನ್ ತನ್ನ ಪ್ರಯೋಗದಲ್ಲಿ ಕಂಭೋಜ ಮರದ ಅಂಟುರಾಳಗಳಿಂದ ಪಡೆದ ಬ್ರೌನಿಯನ್ ಚಲನೆಯನ್ನು ಅಳೆದ. ಈ ಮೂಲಕ ಅವನು ಐನ್‌ಸ್ಟೀನ್ ಸಿದ್ಧಾಂತಕ್ಕೆ ಪ್ರಾಯೋಗಿಕ ಪುರಾವೆ ಒದಗಿಸಿದ.ಅಲ್ಲದೆ ಅವೊಗಾಡ್ರೋ ಸಂಖ್ಯೆಯನ್ನು ಪಡೆದ ಮತ್ತು ಅಣುಗಳ ಇರುವಿಕೆಗೆ ಸಾಕ್ಷಿ ಒದಗಿಸಿದ. ಈ ಪ್ರಯೋಗಕ್ಕೆ 1926ರಲ್ಲಿ ಅವನಿಗೆ [[ನೊಬೆಲ್ ಪ್ರಶಸ್ತಿ|ನೋಬೆಲ್ ಪ್ರಶಸ್ತಿ]] ಲಭಿಸಿತು.<ref>[https://www.nobelprize.org/nobel_prizes/physics/laureates/1926/press.html Award Ceremony Speech], Nobelprize.org, retrieved 25-01-2017</ref>

ಹೆಚ್ಚು ಖಚಿತವಾದ ಅವೊಗಾಡ್ರೋ ಸಂಖ್ಯೆಯನ್ನು ಮಿಲ್ಲಿಕಾನ್‌ನ ಪ್ರಯೋಗದ ನಂತರ ಪಡೆಯಲಾಯಿತು. ರಾಬರ್ಟ್ ಎ. ಮಿಲ್ಲಿಕಾನ್ ಎಲೆಕ್ಟ್ರಾನ್ ಆವೇಶ (ಚಾರ್ಜ್)ವನ್ನು ನೇರವಾಗಿ ಅಳೆಯುವ ಎಣ್ಣೆಯ ಹನಿ ಪ್ರಯೋಗವನ್ನು 1909ರಲ್ಲಿ ರೂಪಿಸಿದ. ಈ ಪ್ರಯೋಗದಲ್ಲಿ ಎಣ್ಣೆಯ ಸಣ್ಣ ಹನಿಗಳನ್ನು ವಿಕಿರಣಗಳ ಮೂಲಕ (ಉದಾಹರಣೆಗೆ [[ಕ್ಷ-ಕಿರಣ|ಎಕ್ಸ್-ರೇ]]) [[ಅಯಾನು|ಅಯಾನೀಕರಿಸಿದ]] ಮತ್ತು ಒಂದು ಹನಿ ಎಷ್ಟು ವೇಗವಾಗಿ ಕೆಳಬೀಳುತ್ತದೆ ಎಂಬುದನ್ನು ಗುರುತಿಸುವ ಮೂಲಕ ಅದರ ದ್ರವ್ಯರಾಶಿಯನ್ನು ಪಡೆಯಬಹುದು. ಹಲವು ಸಲ ಈ ಪ್ರಯೋಗವನ್ನು ಮರುಕಳಿಸಿ ಎಣ್ಣೆಯ ಸಣ್ಣಹನಿಗಳ ಆವೇಶವು ಕನಿಷ್ಠ ಆವೇಶದ ಪೂರ್ಣಾಂಕಗಳಲ್ಲಿ ಇರುತ್ತದೆ ಎಂದು ಗುರುತಿಸಿದ. ಹೀಗೆ [[ಎಲೆಕ್ಟ್ರಾನ್|ಎಲೆಕ್ಟ್ರಾನ್‌ನ]] ಕನಿಷ್ಠ ಆವೇಶವನ್ನು ಪತ್ತೆಹಚ್ಚಲಾಯಿತು. ಇದಕ್ಕೆ ಅವನಿಗೆ 1922ರಲ್ಲಿ ನೋಬೆಲ್ ಬಹುಮಾನ ಲಭ್ಯವಾಯಿತು.<ref>[http://vlab.amrita.edu/?sub=1&brch=195&sim=357&cnt=1 Millikan's oil drop experiment], retrived 25-01-2017</ref><ref>[https://www.britannica.com/science/Millikan-oil-drop-experiment Millikan oil-drop experiment], Physics, Encyclopedia Britannica, retrived 25-01-2017</ref> ಈ ಪ್ರಯೋಗಕ್ಕೂ ಬಹುಮುಂಚೆಯೇ 1833ರಲ್ಲಿ [[ಮೈಕೇಲ್‌ ಫ್ಯಾರಡೆ|ಫ್ಯಾರಡೆ]] ತಾಮ್ರ ಸಲ್ಪೇಟ್ ದ್ರಾವಣದ ಮೂಲಕ ವಿದ್ಯುತ್ ಹರಿಸಿದಾಗ ಕ್ಯಾಥೋಡ್ ಅಥವಾ ರುಣದ್ವಾರದಲ್ಲಿ ಶೇಕರವಾದ [[ತಾಮ್ರ|ತಾಮ್ರವು]] ಹರಿಸಿದ ವಿದ್ಯುತ್‌ನ ಬಲ ಮತ್ತು ಅದು ಹರಿಸಿದ ಸಮಯದ ಅನುಪಾತದಲ್ಲಿರುತ್ತದೆ ಎಂದು ತೋರಿಸಿಕೊಟ್ಟಿದ್ದ. ಹೀಗಾಗಿ [[ಫ್ಯಾರಡೆ ನಿಯತಾಂಕ|ಫ್ಯಾರಡೆ ನಿಯತಾಂಕವೆಂದರೆ]] ಒಂದು [[ಮೋಲ್]] [[ಎಲೆಕ್ಟ್ರಾನ್|ಎಲೆಕ್ಟ್ರಾನಿನಲ್ಲಿರುವ]] ಅಥವಾ ಒಂದು ಮೋಲ್‌ ವೇಲನ್ಸಿಯ ಅಯಾನಿನಲ್ಲಿರುವ ವಿದ್ಯುತ್ ಆವೇಶ (ಚಾರ್ಜ್) ಮತ್ತು ಇದನ್ನು ಎಲೆಕ್ಟ್ರಾನ್‌ ಚಾರ್ಜ್ ಮತ್ತು ಅವೊಗಾಡ್ರೋ ಸಂಖ್ಯೆಯ ಗುಣಲಬ್ಧವಾಗಿಯೂ ತೋರಿಸ ಬಹುದು.<ref>[https://sizes.com/units/faraday.htm faraday], retrived 25-01-2017</ref><ref>[http://en.citizendium.org/wiki/Faraday_constant Faraday constant], Citizendium, retrived 25-01-2017</ref> ಹೀಗಾಗಿ ಫ್ಯಾರಡೆ ನಿಯತಾಂಕ ಮತ್ತು ಎಲೆಕ್ಟ್ರಾನ್ ಒಂದರ ಆವೇಶ ತಿಳಿದಿದ್ದಲ್ಲಿ ಅವೊಗಾಡ್ರೋ ಸಂಖ್ಯೆಯನ್ನು ಪಡೆಯಬಹುದು. ಗಣಿತೀಯವಾಗಿ ಇದನ್ನು ಹೀಗೆ ತೋರಿಸಬಹುದು:
<div style="font-size: 60%">:<math>N_{\rm A} = \frac{F}{e}</math></div>
ಇಲ್ಲಿ ‌''N<sub>A</sub>'' ‌ಅವೊಗಾಡ್ರೋ ಸಂಖ್ಯೆಯನ್ನೂ; ''F'' ಫ್ಯಾರಡೆ ನಿಯತಾಂಕವನ್ನೂ ಮತ್ತು ''e'' ಎಲೆಕ್ಟ್ರಾನಿನ ಆವೇಶ (ಚಾರ್ಜ್) ತೋರುತ್ತವೆ.

==ಇಂದಿನ ವಿಜ್ಞಾನದಲ್ಲಿ==
ವಾಸ್ತವದಲ್ಲಿ ಅವೊಗಾಡ್ರೋ ಸಂಖ್ಯೆಯು ನಮಗೆ ಕಾಣುವಂತಹ ಪ್ರಪಂಚವನ್ನು ಅತಿಸೂಕ್ಷ್ಮ ಕಾಣದ ಅಣು, ಪರಮಾಣು ಪ್ರಪಂಚದೊಂದಿಗೆ ಬೆಸೆಯುತ್ತದೆ. ಅವೊಗಾಡ್ರೋ ಸಂಖ್ಯೆಯ ವಾಸ್ತವ ಬೆಲೆಯನ್ನು ಕೋಡಾಟ ನಾಲ್ಕುವರುಷಗಳಿಗೊಮ್ಮೆ ನಿರ್ಣಯಿಸುತ್ತದೆ. ಇದರ ಸದ್ಯದ ಬೆಲೆ 6.022&nbsp;140&nbsp;857(74)×10<sup>23</sup>.<ref>ಆವರಣದಲ್ಲಿನ ಬೆಲೆಯು ಅನಿಶ್ಚಯತೆಯ ಸೂಚನೆ ನೀಡುತ್ತದೆ. ಹೀಗಾಗಿ ಇದರ ಅರ್ಥ ಬೆಲೆ 6.022&nbsp;140&nbsp;857x10<sup>23</sup>&plusmn;0.000&nbsp;000&nbsp;074 ಎಂದು. ಈ ವಿವರಣೆ ಆವರಣ ಅಥವಾ ಬ್ರ್ಯಾಕೆಟ್‌ನಲ್ಲಿ ಸಂಖ್ಯೆಗಳನ್ನು ಬಳಸಿದ ಎಲ್ಲಕಡೆಯೂ ಅನ್ವಯಿಸುತ್ತದೆ.</ref>

ವಿಜ್ಞಾನದಲ್ಲಿ [[ಅನಿಲ ನಿಯತಾಂಕ]], [[ಬೋಲ್ಟ್‌ಜಮನ್ ನಿಯತಾಂಕ]], ಫ್ಯಾರಡೆ ನಿಯತಾಂಕ ಮತ್ತು [[ಏಕೀಕೃತ ಪರಮಾಣು ದ್ರವರಾಶಿ ಏಕಮಾನ|ಏಕೀಕೃತ ಪರಮಾಣು ದ್ರವ್ಯರಾಶಿ ಏಕಮಾನಗಳ]] ಅವೊಗಾಡ್ರೋ ನಿಯತಾಂಕದೊಂದಿಗಿನ ಸಂಬಂಧವನ್ನು ಈ ಕೆಳಗೆ ಕೊಡಲಾಗಿದೆ. ಇಲ್ಲಿನ ಅವೊಗಾಡ್ರೋ ನಿಯತಾಂಕವು ಅಳತೆಯನ್ನು (ಪರ್ ಮೋಲ್‌) ಪಡೆದ ಸಂಖ್ಯೆ ಮತ್ತು ಈ ಅಳತೆಯು mol<sup>-1</sup>. ಹೀಗಾಗಿ ಅವೊಗಾಡ್ರೋ ನಿಯತಾಂಕವು 6.022&nbsp;140&nbsp;857(74)×10<sup>23</sup>(74) mol<sup>-1</sup>. ಇಲ್ಲಿ ಎಲ್ಲಾ ಅವೊಗಾಡ್ರೋ ಸಂಖ್ಯೆಯ ಚಿಹ್ನೆ N<sub>A</sub>.
<div style="font-size: 60%"><math>R = k_{\rm B} N_{\rm A} = 8.314\,4598(48)\ {\rm J\,mol^{-1}\,K^{-1}}\,</math></div>
ಇಲ್ಲಿಯ ''R'' ಅನಿಲ ನಿಯತಾಂಕ, ''k<sub>B</sub>'' ಬೋಲ್ಟ್‌ಜಮನ್ ನಿಯತಾಂಕ
<div style="font-size: 60%"><math>F = N_{\rm A} e = 96\,485.33289(59)\ {\rm C\,mol ^{-1}}. \,</math></div>
ಇಲ್ಲಿಯ ''F'' ಫ್ಯಾರಡೆ ನಿಯತಾಂಕ ಮತ್ತು ''e'' ಪ್ರಾಥಮಿಕ ಆವೇಶ (ಚಾರ್ಜ್) 

ಅವೊಗಾಡ್ರೋ ನಿಯತಾಂಕವು ಏಕೀಕೃತ ಪರಮಾಣು ದ್ರವ್ಯರಾಶಿಯ ಏಕಮಾನದ (u) ವ್ಯಾಖ್ಯಾನದಲ್ಲೂ ಒಳಬರುತ್ತದೆ. 
<div style="font-size: 60%"><math>1\ {\rm u} = \frac{M_{\rm u}}{N_{\rm A}}  = 1.660\,539\,040(20)\times 10^{-27}\ {\rm kg}</math></div>
ಇಲ್ಲಿಯ ''M''<sub>u</sub> [[ಮೋಲಾರ್ ದ್ರವ್ಯರಾಶಿ ನಿಯತಾಂಕ]].

==ಇವನ್ನೂ ನೋಡಿ==
*[[ಅವೊಗಾಡ್ರೋ ನಿಯಮ]]
*[[ಅಮೆಡಿಯೋ ಅವೊಗಾಡ್ರೋ]]
==ಉಲ್ಲೇಖ ಮತ್ತು ಟಿಪ್ಪಣಿಗಳು==
{{reflist}}
'''ಪ್ರಮುಖ ಉಲ್ಲೇಖ'''
*[[w:Avogadro constant|Avogadro constant]]
[[ವರ್ಗ: ರಸಾಯನಶಾಸ್ತ್ರ]][[ವರ್ಗ:ಭೌತಶಾಸ್ತ್ರ]]